11.02.2015 жылы 7 «В» сыныбында мұғалім Жургимбекова Камария Табынбековна қазақ тілі пәнінен «Қазақстанның белгілі спортшылары» атты  ашық сабақ өткізді. Оқушылар бес топқа бөлінді. Сұрау кезеңінде «Стикер диалогі», «Дөңгеленген шеңбер»  әдістерін қолданды. Жаңа сабақты Е. Хасанғалиевтің «Атамекен» әнімен бастады. Себебі елдің мерейін өсіретін еңбек адамдары ғана емес, шетелде жарыстарға қатысатын спортшылар да туған жеріміздің мәртебесін көтереді. «Жақсылық Үшкемпіров», «Серик Қонақбаев», «Ермахан Ыбрайымов», «Серік Сәпиев» деген топтар әр түрлі деңгейлік тапсырмалар орындады. Тұжырымдауға «5 жолды өлең», «Нені білемін? Нені білдім? Нені білгім келеді?»  берілді. Оқушылар өздері дайындаған таныстырылымдарды көрсетті.