18.03. 2014 ж. №97 гимназияның 2 «Ә» сынып оқушылары ата-аналарымен бірлесіп,  «Қош келдің, Әз-Наурыз!» атты  мерекелік іс –шарасын өткізді.

Іс-шараның негізгі мақсаты:оқушыларға наурыз мерекесі туралы түсінік беру, ұлттық салт-дәстүрмен таныстыру,  тойбастар беру, шашуды шашу және бата беру жолдарымен таныстыру. Халқымыздың салт-дәстүрін, әдет -ғұрыптарын сыйлап, құрметтеуге, бірлікке, достыққа тәрбиелеу.

Сынып іші мерекеге байланысты безендіріліп,сынып оқушылары және ата-аналар ұлттық киімде болды. Ата-аналармен ұйымдастырылған «Сәбиді қырқынан шығару,бесікке салу» салт-дәстүрілік көрінісі көптің көңілінен шығып, сынып оқушылары «Қош келдің, төрлет Наурызым!» «Келші,келші балашым» әндері ән-күйлерімен , наурыз мерекесі жайлы өлеңдер оқылды және ұлттық «Асық» ойыны ойналды, шашу шашылды.  

Сондай-ақ, сынып ішінде мерекелік көрме ұйымдастырылды. Көрмеде ұлттық киім киген жігітпен қыз, қабырғада керілген кереге, алтыбақан теуіп жатқан  жігітпенен қыз,ұлттық ыдыстар ,киіз үйдің,бесіктің, домбыраның макеттері көрсетіліп қойылған.

Оқушылар ауылдың ақсақалынан бата алып, бір-бірлеріне наурызға байланысты тілектер тілеп жатты. «Қош келдің, Әз-Наурыз!» тақырыпта презентациялық-слайд ,бейнебаян мен сынып оқушылары өздері салған суреттері көрсетілді.

Келген меймандарға ,мектеп оқушылары  ұлттық тағамдарынан,сондай-ақ  Наурыз көжеден дәм татты. Шашу шашылып, тойбастар таратылды.

Жалпы, сынып жетекшісі Мейрамова Қаламқас Аманбайқызымен өтікізген іс-шара жоғары деңгейде өткізіліп, көптің көңілінен шықты. 

Ұлыс оң болсың! Ақ мол болсың! Қайда барсаң жол болсың!