18.03.2014 ж. кітапханашы Осипова О.В. және мұғалім Жургимбекова Қ.Т.  бірлесіп, Наурыз мерекесін қарсы алу аясында   «Қазақ еліне саяхат» атты сайысты өткізді. Оған 5-сынып аралығындағы оқушылар қатысты. Екі топқа  сегіз –сегізден бөлінді. Ұлдар  командасының аты – «Наурызбай». Қыздар командасының аты – «Наурызгүл».

       Шараның мақсаты:  «Қазақстан еліне ғажайып саяхат »  кітабы бойынша құрастырылған зияткерлік оыйн арқылы  сабақта алған білімдерін пысықтау, туған жеріне деген сүйіспеншілігін баулу.      Оқушылар бір ай бұрын осы кітапты  мектеп кітапханасынан алып, оқып шыққан.

   Әр команданың көшбасшысы сәлемдесу рәсіміне сөз айтты. Мысалы , «Наурызгүл» : «Құрметті  ұстаздар, оқушылар дәстүрімізге  айналған  ұлыстың ұлы Наурыз құтты болсын! Күлімдеген шуақты көктеммен бірге қазақ даласына  жаңа жыл келді. Әр адам келер жылдан  үлкен үміт  күтіп,  оны ақ тілекпен, ақ ниетпен қарсы алады. Ұлы  мерекелеріңізбен құттықтай отырып, дендеріңізге саулық, жанұяларыңызға бақыт, оқуда табыс тілейміз.  »      

    «Наурызбайдың» көшбасшысы Кулинич Евгений:

 - Амансыз ба, халайық!

Жаңа бақыт  нәсіп болсын!

Ұлыс оң болсын,

Бақытты ас  берсін,

Ақ мол болсын,

Ұлыстың ұлы күнінде

Қайда барсаң жолың болсын.

Жүргізуші текшені лақтырып,  слайдтағы картада  сол санның сұрағы шықты. Сұрақтардың  жалпы  саны -48.   Олар салт-дәстүрлермен, географиямен, тарихпен, әдебиетпен байланыстырылған.  Ұлдар тобы білімдерін көрсете білді, алға шықты.

Барлық қатысушыларға  мадақтама қағазы, тәтті сыйлықтар берілді. 

Мұғалім Жургимбекова Қ.Т.