Тілдер күніне арналған шара.

21.09.2013 жыл

Тілдер күніне орай қалада әртүрлі  шаралар ұйымдастырылған. Соның бірі –зияткерлік сайыс : «Мемлекеттік тіл – менің тілім».  Оны өткізген  №92 гимназияның гуманитарлық пәндер кафедрасы. 21 тамызда сағат 12-де КММ «№92 гимназияның » жиын залында  №93 және №97 гимназияларының оқушылары жиналды. Мақсаты: Оқушылардың мемлекеттік тілге деген құрмет сезімдерін тереңдету; қазақ тіліне деген қызығушылықтарын дамыту. Жүргізуші Жаркеева Гүлназ Бекетқызы, гуманитарлық пәндер кафедрасының жетекшісі, қазақ тілі мен әдебиет мұғалімі жиналған оқушыларды Тілдер күнімен құттықтады.

  КММ «№97 гимназияның» оқушылары   «Білімпаз» деген тобын құрды. Топ  басқа ұлт өкілдерінен құралған төрт оқушы болды: Кулинич Евгений (5-Б), Трегубова Екатерина (6-А), Токарева Вероника (6-В), Евдокименко Егор (7-А).

   Таныстыру кезеңінде бірлесіп топтың атын, ұранын айтты. Содан кейін қысқаша әр оқушы өзімен таныстырды.

        Зияткерлік сайыстың бірінші кезеңі «Мықты болсаң тауып көр» деп аталды. Шарты: Берілген сөздерді  қатыстырып мақал- мәтелдер құрайды. Мысалы : Өнер, тіл. Кулинич Евгений бірінші болып қолын көтеріп: «Өнер алды-қызыл тіл»,- деп жауап берді.

Екінші кезең – «Ойлан, тап!» . Шарты: қойылған сұрақтарға мақал-мәтелдермен  жауап беру керек. Мысалы: Оттан не ыстық? Трегубова Екатерина : «Отан оттан да ыстық» ,-деп жауап қайтарды. Әділқазы мүшелері екі кезеңнен кейін екі топ тең ұпайға  иеленгенін айтты.

       Үшінші кезең-«Жеті жұрттың тілін біл » (үш тілді білуі шарт: қазақ тілі, орыс тілі, ағылшын тілі). Шарты: Мақал- мәтелдердегі түсіп қалған сөздің орнына  сол сөзді тауып , орыс тіліне, ағылшын тіліне аудару. Мысалы : «Күш- білімде, білім- .....» . Кітап деген сөзді Евдокименко Егор шапшаң айта білді.

     Төртінші кезең –«Жалғасын тап». Шарты: мақал- мәтелдердің жалғасын табу керек. Мысалы: Атаңа не қылсаң, алдына .... ..... . Токарева Вероника : « сол келер»,-деп сауатты жалғастырды.

Біздің мектептің оқушылары жас жағынан №93 гимназияның шәкіртерінен кіші болғандықтан кейде өзін еркін ұстай алмады.  Жалпы әділқазы мүшелеріне дайындығымыз, сыртқы киіміміз , аудитория алдындағы ұстау мәдениетіміз ұнады. Әсіресе Кулинич Евгенийдің белсенділігіне, тілдің тазалығына  ерекше    назар аударды.  Осы топтың мүшелеріне кенсе тауарларын, мадақтау қағаздарын және мектепке түсіндірме сөздігін сыйлады. Біздің мектептің оқушыларына әдемі жиын залы, қойылған концерт , №92 гимназияның қонақжайлығы ұнады.

   Келесі жылы үш тілдің аясында осындай шара жалғасын табады деп №93 гимназиясының директоры құрметпен, мейірімділікпен барлығын шығарып салды.

Қорыта айтқанда, осындай шаралар мектептер аралығындағы қарым-қатынасты нығайтып, достасуға мүмкіндік туғызады.