Бүгін Қарағанды қаласының № 97 мектеп-гимназиясының оқушылары "Бақытты бала - бақытты ел" республикалық акциясы аясында  Мемлекеттік Елтаңба авторы, көрнекті мемлекет және қоғам қайраткері, Еуразия ұлттық университетінің профессоры Жандарбек Мәлібековпен кездесті. Кездесу "Менің елімнің рәміздері – біздің бақытты болашағымыздың кепілі" тақырыбында өтті.

Кездесуге гимназия оқушылары, мектеп мұғалімдері, ата-аналар өкілдері қатысты.

Гимназия  директоры Е.А. Невиннова алғы  сөзінде «....Мемлекеттік рәміздерді құрметтеу және насихаттау-әрбір қазақстандықтың қасиетті парызы және біздің мектептегі оқу-тәрбие жұмысының басты басымдықтарының бірі.  Дәл осындай кездесулер оқушылардың бойында  Отанға деген сүйіспеншілікті, халықтың  дәстүрі мен мәдениетін құрметтеуді қалыптастыратын баға жетпес сабақтар болып табылады» деді.

Кездесу барысында   Жандарбек Мәлібекұлы  өзінің балалық шағы,  соғыс жылдарындағы  балалардың армандары,  мамандық таңдау туралы  биографиялық  естеліктерімен бөлісті.

Оқушылар   Ж.Мәлібекұлына   1992 жылы Қазақстан Республикасы Мемлекеттік Елтаңбасының байқауында жеңіске жетуге ықпал еткен жеке  қасиеттері  туралы,   бүгінгі таңда   "Ойтек" авторлық сәулет жобасы  туралы  т.б.  қызықты   сұрақтар қойды.  

Ж.Мәлібекұлы  барлық сұрақтарға  жауап беріп,  оқушыларға тағлымы мен тәлімі  зор  ақыл- кеңестер берді.