2021 жылдың күнтізбесіндегі маңызды даталарының бірі Семей полигонының жабылуына 30 жыл толуы болып табылады.  Біздің  еліміз 1991 жылы ядролық қарудан бас тартып,  бүкіл әлемге өзінің бейбітсүйгіш саясатын  паш етіп,    сыртқы саясатымыздың басты  бағдарын айқындап берді.

       10 наурыз күні  "Өнегелі өмір"  жобасын жүзеге асыру аясында, онлайн форматта    халықаралық  ядролық қаруға қарсы  қозғалыстың белсенді мүшесі, "Атом" жобасының Құрметті елшісі,  Қазақстанның белгілі мемлекет және қоғам қайраткері,  суретші Кәріпбек Телтайұлы Күйіковпен  кездесу өтті.  Іс-шараға 10 сынып оқушылары қатысты. 

       Кездесуде  Кәріпбек  Телтайұлы балалық шағы туралы естеліктерімен бөлісіп,  өзінің   жеке қабілеттері мен қайсар мінезінің  арқасында  жүзеге асқан балалық  армандары  туралы әңгімеледі.  Сонымен қатар К.Күйіков өзінің тұлға ретінде қалыптасуындағы ата-анасының рөлі туралы аса жылылықпен әңгімеледі.  

      Кездесуде К.Күйіков оның қоғамдық қызметінің мақсаты "Атом" жобасын ілгерілету болып табылатынын, оның басты миссиясы - барлық елдердің ядролық қару сынақтарын түпкілікті жою және ядролық қаруды толық жоюдағы  жаһандық қолдауды  біріктіру екенін атап өтті. 

       Кездесуде Кәріпбек Телтайұлы жастарға мейірімділік, адамгершілік, өз алдындағы, ата-аналар алдындағы және қоғам алдындағы жауапкершілік туралы маңызды нұсқаулар берді.