2012 жылдың 23-28 сәуір күндері гимназияда «Көктемгі мейірімділік апталығы» атап өтілді. Дүниежүзілік Жер күніне арнап оқушылар мектеп аумағын тазалау мен көріктендіру акциясын өткізді. Сондай-ақ, осы атаулы күні «Мектепке гүл сыйла» атты тұсаукесер байқауы ұйымдастырылды. Оқушылар биология, география пәндері бойынша алған  білімдерін пайдалана отырып, өз гүлдерімен таныстырып өтті. «Қысқы бақ» бұрышын көгалдандыру мақсатында байқауға қатысушалыр мектепке гүлдерін сыйлады. Апта бойы балалар үйіне «Ақ жүрек» қайырымдылық акциясы бойынша киім-кешек, ойыншық, кітаптар жинастырды. Еңбек, соғыс ардагерлері мен тыл еңбеккерлері шақырылып, біраз сыныптарда оларға арналған «Мейірімділік сабақтары» өткізілді. 27 сәуір күні зейнеткерлер, ардагерлер мен жалғыз басты адамдар шақырылып, Қ.Байжанов атындағы концерттік бірлестік концертін тамашалады. «Біздің ардагер», «Қамқорлық» акциялары бойынша мүгедектер мен ардагерлерге мекенжайлық көмек көрсетілмек.