Қарағанды қаласының әкімі Н.Әубікіровтің 20.04.2018ж. бекіткен Қазақ әліпбиін латын графикасына көшіру бойынша 2018 жылдың сәуір-желтоқсан айларына арналған кеңейтілген іс-шаралар жоспарына сәйкес «№97 гимназия» КММ-де 2018 жылдың 11 мамырында «Латынға көшуді қолдаймын!» тақырыбында сурет және фото галерея бұрышы ұйымдастырылды.

«Қазақ тілі әліпбиін кириллицадан латын графикасына көшіру туралы» Қазақстан Республикасы Президентінің 2017 жылғы 26 қазандағы №569 Жарлығы негізінде гимназиямызда ұйымдастырылып отырғаншараның мақсаты – ел болашағы үшін қабылданған маңызды шешімге қолдау көрсету және бұл бастаманың жүрегі «елім» деп соққан әрбір қазақстандықтың абыройлы міндеті екеніне көз жеткізуіне ықпал ету.

Фото галереяны «№97 гимназия» КММ кітапханашысы  Тоғайбаева Бахыт Какеновна мен қазақ тілі мен әдебиеті мұғалімі Мусенова Асыл Тлеухановна өткізді.

Кіріспе бөлімде «№97 гимназия» КММ қазақ тілі мен әдебиеті пәндерінің мұғалімі Мусенова Асыл Тлеухановна латын әліпбиіне көшу мәселесінің кейбір тұстарына тоқталды. Осы бастама төңірегінде мектебімізде атқарылып жатқан ісшаралардың түрлері мен мазмұны бойынша қатысушыларға ақпарат берді. Қазақ және латын әліпбилеріне салыстырмалы талдау жасап, қиыншылықтары мен тиімді тұстарын атап өтті

Мектептің кітапхана меңгерушісі Тоғайбаева Бахыт Какеновна өз сөзінде латын әліпбиінің тарихына көз жүгірте отырып, латын әліпбиі туралы мәселе-өркениет талабы екенін айтты.Қатысушылар латын әліпбиіне көшу мәселесіне қатысты өз ойларын білдіре отырып, мемлекеттік тілдің мәртебесін көтеру, болашағына қолдау көрсету мақсатында осындай шараларды ұйымдастырудың маңызды екендігін айта келіп, алған әсерлерімен бөлісті. Іс-шара барысында латын графикасы негізінде қазақ әліпбиінің табиғи таза қалпын сақтауға мүмкіндік беретін қажетіліктер туралы өз пікірлерін қалыптастырды.