Өрен өнерімен көркем демекші, №1 балалар  өнер мектебінің Мағжан Жұмабаев атындағы (филиалында)  қосымша білім беру бөлімінің домбыра  сыныбының оқушылары кезекті академиялық концертін тапсырды. Балалар екінші тоқсанның бағдарламасын ойдағыдай жақсы тапсырды. Академиялық концертті қазақ ұлттық аспаптар бөлімінің меңгерушісі Алмагул Төкеновна қабылдады, бөлім ұстаздары - Бекжігіт Бидалы Сейдалыұлы, Ильясова Диананың оқушылары үлкен  жауапкершілікпен дайындалғанын көрсетіп,  жақсы тапсырып шықты. Академиялық  концертті тапсыра алмай  қалған бала болған жоқ, бәрі дерлік жақсы,  өте жақсы деген бағамен тапсырды. Жаңа жыл қарсаңында өз өнерлерін шыңдаған балалардың қуанышында шек болмады дән риза болып қайтты. Балалардың жақсы  өнер көрсетуіне концертмейстер Байрстанова Алия Мұратовна үлкен ықпал етті.