20 желтоқсанда №2 Оқушылар сарайының акт залында Қарағанды қаласының қосымша білім беру ұйымдары оқушыларының концерті өтті.
Зал толы болды, сиқырлы шараның қатысушыларын тыңдау үшін ата-аналар, туысқандар, сыныптастары, қаланың білім беру ұйымдарының басшылары және балалар музыкалық өнерін бағалаушылар келіп, барлық қызықты "тірідей" көріп, қолдау көрсетті.
Концерт басталар алдында фойеде бейнелеу өнері бөлімінің педагогтері бейнелеу өнері бөлімі оқушыларының жұмыстарының көрмесін ұйымдастырды. Әр түрлі бағыттар мен техникалардың жұмыстары ұсынылды: кескіндеме, сәндік-қолданбалы өнер, керамика.
Оқушылар көрмесі барлығына жақсы көңіл-күй сыйлады және қонақтарды өзінің ерекше көңіл күйімен қуантты.
Өнер жолында бірінші қадамдарын жасап жатқан әртістер өздерінің балалық риясыздығымен, өнерге құштарлығымен, өздерінің қойылымдарымен көрермендерді тәнті етті.
Іс-шарада үздік 20 шығармашылық нөмір ұсынылды, көрермендер БӨМ және БММ тәрбиеленушілерінің таланттарын тамашалады.
Бағдарламаны қазақ халық аспаптар ансамблі ашты, оған біздің оқушылар: домбырашылар, қобызшылар және флейташылар қатысты.
"Меланж" скрипкашылар ансамблі А.Құнанбайұлының "Көзімнің қарасы" әнін; "Әуен" вокалдық ансамблі "Қазақпын" әнін орындады. Жиынтық хордың құрамында біздің мектептің оқушылары да болды.
Сахнадан көрермендерге жас әртістер мен олардың тәлімгерлерінің орындауында әндер шырқалды, хореографиялық қойылымдар, түрлі аспаптарда музыкалық композициялар көрсетілді.
Бірде-бір нөмір ешкімді бей-жай қалдырмады, ду қол шапалағы естіліп, тамаша көңіл-күй болды. Қосымша білім беру ұйымдарының білім алушыларының ата-аналары балаларын тәрбиелеуге, оларды дамытумен айналысуға тиісті көңіл бөлетіні қуантады.
Қыздар мен ұлдарға олардың шығармашылық талпыныстарында келесі оқытушылар жәрдем қолын созды: домбыра ансамблінің жетекшісі Н.А. Идрысов, қобыз сыныбы бойынша А. Ж. Аменова, флейта сыныбы бойынша Н.А. Рязанова; "Әуен" вокалдық ансамблінің жетекшісі Л. А. Айтпаева, "Меланж" скрипкашылар ансамблінің жетекшісі - А.В. Канайкина; хор ұжымының жетекшісі - А.Н. Баякенова.
Оқушылар мен олардың педагогтеріне одан әрі шығармашылық жеміс тілейміз!
Авторство:
