Қарағанды қ. білім бөлімінің білім беру ұйымдары - №1 балалар өнер мектебі - 2023 жылдың 20 мамырында «Шалқыма» концерт залында мектептің "Өнерлі өркен!" атты есеп беру концерті өтті

2023 жылдың 20 мамырында «Шалқыма» концерт залында мектептің "Өнерлі өркен!" атты есеп беру концерті өтті

22.05.2023 | №1 балалар өнер мектебі

2023 жылдың 20 мамырында «Шалқыма» концерт залында мектептің "Өнерлі өркен!" атты есеп беру концерті өтті, оған барлық бөлімдерден жүзден аса оқушылар қатысты. Балалар қонақтар мен ата-аналарға биылғы оқу жылында жеке және топтық түрде алған білімдерін көрсетті. Сахнадан өлеңдер, эстрадалық және академиялық вокал шырқалып, музыкалық аспаптарда: скрипка, флейта, гитара, фортепиано, домбыра, саксофонда шығармалар орындалды.

Хореографиялық бөлім заманауи, ұлттық және классикалық билерді ұсынса, театр бөлімінің оқушылары шағын спектакль түрінде концерттің екінші бөлімін өткізді. Қонақтар концерт залының фойесінде бейнелеу өнері бөлімінің оқушыларының жетістіктерімен танысты. Қойылым біздің жас жұлдыздар мен олардың жетекшілерінің шеруімен аяқталды. Барлық ұстаздарға, ата-аналарға, оқушыларға өнерге деген сүйіспеншілігі, музыкаға деген көзқарасы, асқан еңбексүйгіштігі, шыдамдылығы үшін алғыс айтамыз. Бізбен бірге болыңыз және жетістіктерге жете беріңіздер!

Авторство: