04.04.2023 күні, Облыстық бейнелеу өнері музейінде, "#1 Балалар өнер мектебі " ЮНЕСКО- клубы, бейнелеу өнері бөлімінің профкурс оқушысы Күнбалаева Адияның жеке шығармашылық шебер сыныбы өтті. Шебер сынып қорытынды балалар көрмесінің аясында 3 сынып, І курс , ІІІ курс оқушыларының қатысуымен ұйымдастырылды. Адия алдымен көрмеге қойылған әр түрлі техникада орындалған шығармашылық жұмыстарын қатысушы балаларға түсіндіріп таңыстырып өтті. Оқушылар мұқият көңіл бөліп қызыға, таңдана тыңдады.  Адия шебер сыныбын  гуашь техникасында өз әдісіндегі сырлы бояуларға толы қыз бала портретің салуды көрсетті және  оқушылардын қойған сұрақтарына жауап бере отырып, оларға үлкен шабыт сыйлады. Шебер сынып соныңда қатысушы оқушыларымыз Адиямен алған әсерлерімен көңілді бөлісті. Күнбалаева Адияға шығармашылық өсу мен жаңа белестерге жетуін тілейміз!