2022 жылдың 27 қазанында білім бөлімінің әдістемелік кабинетінің жұмыс жоспарына сәйкес, мектеп базасында балаларға арналған қосымша білім беру ұйымдары директорларының орынбасарлары үшін «Қосымша білім беру педагогтерін әдістемелік қолдау» қалалық семинары өткізілді.
Алғашқы қадамдардан бастап семинарға қатысушылар бейнелеу өнері оқушыларының жұмыстарының көрмесін тамашалап, мұғалімдер мен мектеп оқушылары дайындаған мерекелік концертті тыңдап, шығармашылық атмосфераға бой алдырды. Мұның бәрі қонақтарымыздың жағымды эмоциялары мен жақсы жұмыс қабілеттілігін дамытуға ықпал етті.
Семинар бағдарламасында білім бөлімінің әдіскері А.С. Китанова тыңдаушыларды педагог қызметкерлерді аттестаттау ережелерінің ерекшеліктерімен таныстырды. ҚарУ профессорының ассистенті С.Б. Мукушева Қазақстан Республикасының қосымша білім беру саласындағы қолданыстағы нормативтік-құқықтық актілерінің өзгерістері мен түйінді тұстарына назар аударды.
Оқу-тәрбие жұмысының жүйесі туралы әріптестерін келесі баяндамашылар хабардар етті: Елешева С.М. - №1 Балалар өнер мектебінің директоры; Крючкова Н.А. - №1 Балалар өнер мектебінің музыкалық – теориялық бөлімінің педагогы; Максутова П.А. – № 3 Балалар музыка мектебінің директорының тәрбие жұмысы жөніндегі орынбасары.
Алынған өзекті ақпарат әріптестерге өз жұмысының менеджмент сапасын уақтылы арттыруға көмектеседі.
Авторство:
