1 мамыр – Қазақстан аумағында тұратын барлық халықтардың бірлігі мерекесі. Бұл күні көпұлтты мемлекетімізде әдетте көктемгі мерекелік шаралар, этномәдени бірлестіктер ұжымдарының қатысуымен концерттер өтеді. Мереке қарсаңында «№1 балалар өнер мектебі» –ЮНЕСКО клубы оқушылары мектептің акт залында «Қазақстан достық мекені» атты мерекелік концерт дайындады. Хореография бөлімінің «Айналайын» бишілер тобы, жетекшілері Имашева Канипа Рымқановна и Қыстаубаева Эльмира Турдыбековна тәрбиеленушілері жарқын өнерлерімен көрермендерді тәнті етті.