2023 жылдың 18 қазаны күні Қарағанды облыстық бейнелеу өнері мұражайында Қарағанды қаласы №1 балалар көркемөнер мектебінің 55 жылдығына арналған оқушылар, педагогтар және мектеп бітірушілердің шығармашылық жұмыстары көрмесінің ашылуы өтті. Алаңға жас суретшілер мен бейнелеу өнерінің майталмандары, аты аңызға айналған мектептің бұрынғы және қазіргі шәкірттері жиналды.

Көрмеге түрлі үлгіде жасалған және 70-тен аса тақырып бойынша жұмыстар қойылды.

Аталған іс-шара бағдарламасына өзінің жылы лебізін, құттықтау сөздерін білдіру үшін Қарағанды қаласы "Оқушылар сарайының" атынан «Ритмы детства» үлгілі спорттық - балдық би ансамблінің мүшелері өз өнерлерін көрсетті.