«Балаларды қорғау күні» шеңбері аясында Қарағанды қаласының «Оқушылар сарайы» Қазақстан Республикасы «Судьялар одағы» РҚБ Қарағанды филиалының Қарағанды облысының кәмелетке толмағандар істері жөніндегі мамандандырылған ауданаралық сотымен бірлесіп «Балаларды қолдау орталықтарының» тәрбиеленушілеріне арналған үлкен мерекелік іс-шара өткізді.
Аталған шарада Оқушылар сарайының педагог ұйымдастырушылары тәрбиеленушілермен суреттер байқауы мен жүгіру эстафетасын өте жоғары деңгейде өткізді. Осы іс-шараға келесі төрт мекемеден 35 тәрбиеленушілер қатысты: Қарағанды облысының «Таңшолпан» балалар уйі «Өмірлік қиын жағдайдағы балаларды қолдау орталығы» КММ, «Ерекше білім беру қажеттілігі бар балаларды қолдау орталығы" КММ, «Өмірлік қиын жағдайға тап болған балаларды қолдау орталығы» КММ және «Кәмелетке толмағандарды бейімдеу орталығы" КММ.
Бүгінгі сурет байқауында, жарыс, жүзу эстафетасында, балалар қызығушылықтарын танытып, өз белсенділіктерін көрсетті. Іс-шара соңында ұйымдастырушылар балаларға тәтті тағамдардан, сыйлықтардан дастархан жайып, әрбір топ мүшесіне мадақтама қағаздары мен сыйлықтарын табыстады. Әрбір бала бүгінгі мерекелік іс-шарадан ерекше әсер алды.
Барлық бүлдіршіндерді Халықаралық балаларды қорғау күнімен шын жүректен құттықтаймыз!!!
Авторство:
