27.04.2018 жылы №27 мектеп базасында эстетикалық пәндер мұғалімдерінің«Музыка, технология, сызу пәндерін кіріктіру» тақырыбында кіріктірілген қалалық семинары өтті.

Семинарға қатысушылар технология пәні бойынша 3 шеберлік сыныбына:  Қ.Қ.Қалқожа «Көлемді кестелеу: техникасы және тәсілдері», Е.А.Кострыкина, Г.О.Абылгазина  «Фетрмен жұмыс жасаудың стандартты емес түрлері», А.В.Буяков «Инклюзивті мектепте қосымша білім берудегі  бейнелеу өнері» және Н.Е.Шматованың  «Көктемнен көктемге дейін. Көктемнің сазды бояулары» атты ашық сабағына қатысты.

Ұсынылған шеберлік сыныптар оқушылардың функционалдық сауаттылығын дамытуға бағытталған. Семинардың әрбір қатысушысы көлемді кестелеуді орындаудың 8 түрлі техникасымен танысып, фетрден зергерлік бұйымдарды дайындау мен безендіруді, сонымен қатар әшекей бұйымдарға арналған қаптамаларды жасауды үйренді. Бейнелеу өнерінен өткізілген шеберлік сныпта гуашь техникасымен салынған табиғат көрінісінің композициясы әзірленді.

         Музыка пәні бойынша ашық сабақ жақсы әдістемелік деңгейде өтті, оқушылар пән бойынша жақсы білімдерін көрсете білді. Музыка пәні мұғалімі өз сабағында музыка және еңбекке баулу пәндерінің кіріктірілуін ұсынды.  Әр қатысушы сабақтан жақсы әсер алып, көтеріңкі  көңіл-күймен әрі көктем гүлдерінің шоғымен шықты.

         Семинардың соңында қонақтарға мектеп оқушыларымен дайындалған «Музыкалық үзіліс» атты шағын концерт ұсынылды.      Бұл концерттік бағдарламаға  білім алуда ерекше қажеттіліктері бар балалар да қатысты. Бұл  оқушылардың концерттік бағдарламаға қатысуы олардың өмірге тез бейімделуіне септігін тигізеді.

Семинардың жақсы тәжірибелік маңыздылығы болды және қала педагогтері тарапынан жоғары бағаға ие болды.