Қалалық білім бөлімінің жоспарына сай 12.04.2018 жылы №32ЖББОМ базасында «Қазақ тілі мен әдебиеті сабақтарында мәтінді оқу мен түсінудегі оқушылардың функционалдық сауаттылығын дамыту» атты қалалық семинар ұйымдастырылып өткізілді.

Семинарға қаламыздың 29 мектебінен қазақ тілі мен әдебиеті мұғалімдері қатысты.Ұйымдастырушылар теориялық бөлімінде семинарға қатысушыларды аталған  бағыт бойынша мектепте атқарылып жатқан жұмыстарымен таныстырды. Педагогтар арасында осы мәселеге қатысты сауалнама жүргізілді.

Семинардың практикалық бөлімінде №32 мектептің қазақ тілі мұғалімдері ашық сабақтар өткізді.Сабақ барысында мұғалімдер қазақ тілі пәнінен 9,11 сыныптарды қорытынды аттестацияға дайындау барысында мәтінді оқу мен түсіну арқылы функционалдық сауаттылығын дамыту жолдарын іс- тәжірибеде көрсете отырып, оқу үрдісінде кездесетін қиыншылықтарды қалай жеңуге болатындығы жайлы өз ұсыныстарын айтты. Қонақтардың назарына осы мектептің оқушыларының қатысуымен концерттік бағдарлама ұсынылды.  Қатысушылар семинардың өзектілігін, өткізілуінің жоғары деңгейін атап, мектеп ұжымына шығармашылық табыстар тіледі.