ҚББ жоспарына сәйкес  5-8 сынып оқушылары үшін  қалалық  «Интеллектуал - 2018» физика - математикалық  турнир ұйымдастырылып, өткізілді.  Физика - математикалық турнирді өткізудің  мақсаты мен міндеттері:

- физика - математикалық білімді насихаттау, оқушылардың функционалдық сауаттылығын   дамыту;

- оқушылардың  танымдық және белсенділік мүмкіншілігін дамытуды қалыптастыру;

- оқушылардың шығармашылық белсенділігін  арттыру;

- оқушыларды физика, математика пәндері бойынша сыныптан тыс жұмыстарға тарту;

- командалық физика - математикалық  жарыстар өткізу.

Турнир 2 кезеңде өткізілді:

I кезең  - сұрыптау   (аймақтық). 

        II кезең  – қорытынды  (қалалық).

  Бағдарлама материалдары бойынша танымдық және функционалдық сауаттылыққа арналған   тапсырмалар ұсынылды.

Олимпиада кезіңде  есептерді әр оқушы өзі үшін шығарса, ал физика -математикалық турнирде -  барлық команданың жеңісі үшін шығарды.        

Турнирге барлығы 52  команда  сұраныс берді. Әр аймақтан ең көп ұпай жинаған 2 команда екінші кезеңге қатысты. Қалалық кезеңнің  қорытындысы бойынша бас жүлде, 1, 2, 3 орын алған жеңімпаз командалар марапатталды. Физика - математикалық турнирде ең үздік қатысушылар жеке грамоталармен  аталып кетті.

 Екі кезеңнің қорытындысы  бойынша командалық біріншілікте: №34 ОМ командасы БАС ЖҮЛДЕГЕ   ие болды.

Жеке оқушылардың біріншілігінде: №8 ОМ-тің  5 сынып оқушысы Шакенова Ділназ, №18 ОМ-тің  6 сынып оқушысы Алпамысова Ақжібек, №12 ОМ-тің 6 сынып оқушысы Қанат Қарақат, №23 ОМ-тің 7 сынып оқушысы Аманбаева Айдана, №18 ОМ-тің 7 сынып оқушысы Серік Жансая  мадақтамаларға   ие болды.