2018 жылдың 26 наурызында қалалық білім бөлімі әдістемелік кабинетінің жоспарына сәйкес Oxford University Press баспасының өкілі, Inter Press Distribution ұйымымен бірлескен 5-сынып оқушылары арасында ағылшын тіліндегі жобалар байқауы болып өтті.

Байқаудың мақсаты – жасөспірімдердің ағылшын тілін үйренуге бағытталған тұлғалық және зияткерлік қабілеттерін дамыту, Отанға деген патриоттық сүйіспеншіліктерін жетілдіру.

Байқауға қаламыздың 25 мектебінен құралған бесінші сынып оқушыларының командалары қатысты. Қатысушылар үлкен сүйіспеншілікпен Қазақстанның көрікті жерлері мен туған өлкелерінің табиғаты туралы баяндап берді. Ағылшын тілінде жаңашыл, өте жарқын баяндаулар жасап, презентациялар көрсетті.

Үздік жобалар арнайы дипломдар, сыйлықтар және жүлделермен марапатталды.