2018 жылдың 23 ақпанында  №5 ЖББОМ-тің ресурс орталығында Оңтүстік-Шығыс ауданы мектептерінің 9-11 сынып оқушылары мен ата-аналарына арналған  «Мамандық әлеміндегі түлек :  жұмысшы,  инженерлі – техникалық  мамандық,  педагогика,  медицина және экономика“ атты  кәсіби  бағдарланған  білім  беру  Көрме – Жәрмеңкесі өткізілді.     Жыл сайын өткізілетін   Көрме – әлеуметтік серіктестері мен нақты жұмыс берушілермен жасалатын ынтымақтастықтың бір түрі. 

          Көрмеге  ҚарМТУ, ҚарМУ, ҚММУ, ҚҚЭУ және Қарағанды қаласының колледждері, Жұмыспен қамту және әлеуметтік бағдарламалар орталығы белсенді қатысты. Олар өздерінің ақпараттық үлестіру материалдарын, презентацияларын, студенттердің жобаларын, ОӘК-ін және инженерлі - техникалық, жұмыс кадрларының қажеттілігі туралы ақпаратын ұсынды. Оқушылардың  жоғарғы оқу орындар, колледждердің өкілдерімен мамандық түрлері, оқуға түсу ережесі, болашақта жұмысқа тұру мүмкіндігі, бәсекеге қабілетті мамандықтар және Қарағанды аумағындағы еңбек нарығындағы сұраныс туралы ақпарат алып, көзбе-көз сұхбаттасуға мүмкіндігі болды.

        Кәсіби бағдар жұмыс бойынша мұндай әдіс-тәсілдер жоғары сынып оқушыларына  мамандық таңдауда сауатты шешім қабылдауына көмек береді.

        Көрмеге 500-ден астам оқушылар қатысты.