Дөңгелек үстел. «Латын әліпбиі - мәңгілік елдің рухани жаңғыруы»
 
 Қарағанды қаласының білім бөлімі ӘК-нің жоспарына сәйкес 21 ақпан №74 ЖББОМ базасында  «Латын әліпбиі- мәңгілік елдің рухани жаңғыруы» атты  дөңгелек  үстел болып өтті.
Мақсаты: Қазақ жазуын латын әліпбиіне көшірілуі туралы Елбасы жолдауына қолдау көрсету, насихаттау.
 Дөңгелек үстелге шақырылған жоғарғы оқу орындарының оқытушылары білікті лингвист, әдебиетшілер, тарихшы мамандар және қоғам қайраткерлері Баймұқанов Мұхамедқали, Cмагулов Жандос Қожахметұлы,Смагулова Казиза Габдоллаевна,Түйте Елдос Ерғазыұлы, Қараманова Үмітжан Әбдікәрімқызы, Серікхан Азат, ардагер ұстаз Әміртаев Тілеуғалы Әміртайұлы қатысушылармен Латын әліпбиінің бекітілген жаңа нұсқасын талдай отырып, жалпы латын қарпіне көшудің тиімді жақтарын тілге тиек етті. ҚарМУ-нің оқытушылары Cмагулов Жандос Қожахметұлы мен Түйте Елдос Ерғазыұлы ғылыми тұрғыдан өз көзқарастарын білдіре келіп, оқушылар мен мектеп мұғалімдері тарапынан қойылған сұрақтарға сүбелі жауап қайтара білді. Жарыссөзге түскен барлық зиялы қауым бірауыздан латын қарпіне көшу саясатын қолдайтындарын айта келіп, оқушылармен ұстаздарға латын әліпбиін енгізуге қолдау көрсету – әрбір саналы, оқыған қазақстандық үшін абырой екенін айтып өтті.
Дөңгелек үстелді қорытындылау сөзінде іс-шараның модераторы мектеп директоры Н.К.Нуртаева келген қонақтарға үлкен ризашылығын білдірді. Қалалық білім бөлімінің әдіскері Г.Б Жаркеева де қорытынды сөзінде келген қонақтарға ризашылық білдіре отырып, арнайы Алғыс хаттар табыстады.