2018 жылдың 20 ақпанында «ЖББ №77 МБК» КММ аясында бастауыш сынып мұғалімдеріне арналған «Қазіргі заманғы сабақты ұйымдастыру және жобалау ерекшеліктері» атты  қалалық семинар ұйымдастырылды. Семинардың негізгі мақсаты: қазіргі заманғы сабақты ұйымдастыру және жобалау ерекшеліктері туралы тәжірибе бөлісу.

         Семинардың ашылуында мектеп директоры З. Р.Жантыбаева мен қалалық білім бөлімінің әдіскері Г. Х. Оспановаға сөз беріліп, семинар бағдарламасымен таныстырылды.

         Практикалық бөлімде ашық сабақтар, коучинг, шеберлік сабақтар өткізілді.          «Сын тұрғысынан ойлаудың әдіс-тәсілдерін қолдану» тақырыбында өткізілген коучингте  ақпараттар беріле отырып, тапсырмалар орындалды.

          Оқушылардың ғылыми-зерттеу жұмысын жоспарлау және ұйымдастыру бөлімінде оқушылар жоба жұмыстарын қорғады. Жұмысты қорғау барысында мұғалім, оқушы және ата-ана сөз сөйлеп, жоба туралы қысқаша мәліметтер берілді. 4 «Б» сынып оқушысы Мусин Диас «Ақылды үй» жобасын қорғады. 3 «Б» сынып оқушылары Әбіқай Кәусар мен Абдирзакова Муслима «Полиэтилен пакеттердің екінші өмірі» деп аталатын жобаларында полиэтиленнің қоршаған ортаға зияндылығын баса айтты, олардан жасаған бұйымдарын алға тартты. Үнемшілдікке, табиғатты қорғауға үндеу тастады.

        Семинарға қатысушылар «Айболиттің аңдарды емдеуі» атты салауатты өмір салтын қолдау  мақсатында дайындалған қуыршақ театрын тамашалады.

       Семинар рефлексиясы бірнеше мұғалімдерден алынған сауалдарға жауап берілген видеокөрсетілім түрінде дайындалды. Семинар өз мақсатына жетті.