Облыстық семинар. «Оқу шаттығы» - оқырман біліктілігіне, белсенділігіне және оқу сауаттылығына бағытталған тиімді жоба.
Семинардың мақсаты: Қарағанды қаласының білім беру ұйымдарындағы облыстық «Оқу шаттығы» әлеуметтік – педагогикалық жобасы  бойынша атқарылған жұмыстарын жүйелеу, тәжірибе алмасу.
 ҚО ББД Оқу Әдістемелік Орталығының және «Қарағанды қаласының білім бөлімі» ММ әдістемелік кабинетінің  жылдық жоспарына сәйкес 16 ақпан күні №66 мектеп-лицей базасында облыстық «Оқу шаттығы» жобасы бойынша тәжірибеге енген 5 мектеп, атап айтқанда №№39,93 гимназиялар, №66 МЛ және №№81,86 жалпы білім беретін мектептер облыс көлемінде атқарылған жұмыстары бойынша есеп беріп, өз тәжірибелерімен бөлісті.
Облыс бойынша жобаның жүзеге асырылуына жауапты ҚО ББД ОӘО әдіскері А.Д. Кулжанов жобаның негізгі мақсат, міндеттерін айта келіп, негізгі құрылымына қысқаша түсінік берді. Қарағанды қаласының білім беру ұйымдарындағы осы жобаның жүзеге асырылуына жауапты білім бөлімінің әдіскері Г.Б.Жаркеева семинардың мақсатымен таныстыра келіп, бейне журнал арқылы 5 мектепте атқарылып жатқан жұмыстарға тоқталып өтті. Жобаға қатысушы 5 мектеп өз жұмыстарын
1.Оқу әрекеті
2. Сыныптан тыс әрекет
3. Ата-аналармен жұмыс. Отбасылық оқу.
4. Әлеуметтік серіктестік. Кітапханалар – деп, жоба құрылымына сәйкес 4 бағытта жоспарлап, атқарылған жұмыстарын көрме түрінде көпшілік назарына ұсынды. Көрмеде «Үздік эсселер», «Жас ақындардың шығармашылығы» жинақтары, «Оқырман күнделіктері», «Үздік дәптерлер», функционалдық сауаттылықтарға байланысты тапсырмалар жинағы, тақырыптық кештер мен мерекелік шаралардың әзірлемелер топтамасы қатысушылар назарына ұсынылды.
 Үш топқа бөлінген қатысушылар №66 МЛ-дің тәжірибелі ұстаздары: тарих пәнінің мұғалімі Қ.М.Оспанованың, ағылшын тілі мұғалімі Ж.Б.Аманжанованың, қазақ тілі, әдебиеті пәнінің мұғалімі А.С. Жапабаеваның ықшам сабақтарына қатысып, функционалдық сауаттылыққа бағытталған тапсырмалармен жұмыс түрлерін көрді. Мектеп-лицейдің психологтары С.А.Ткаченко,  И.К. Карипбаевалар  келген қонақтармен психологиялық тренинг өткізіп, қатысушылар арасында психологиялық ахуал қалыптастыра білді. Екінші рет топқа бөлінген ұстаздар №39 гимназияның және №81 ЖББОМ жоғарғы санатты қазақ тілі, әдебиеті мұғалімдері Ж.К.Жакишева мен Ш.С. Ускенбаеваның «Оқу сауаттылығын қалыптастыру - білімге ашар жол» және №66 МЛ-дің бастауыш сынып мұғалімі Н.Е.Чернушенконың  «Формирования функциональной грамотности на уроках математики» тақырыбындағы шеберлік сыныптарына қатысып, Оқу сауаттылығы мен математикалық сауаттылыққа байланысты құнды деректер алды, тәжірибе алмасты.
 Жобаға қатысушы бес мектептің жауапты жетекшілері мен дарынды шәкірттері, ата-аналары семинардың жабылу салтанатын концерттік бағдарлама түрінде ұйымдастырып, келген қонақтарға жағымды көңіл-күй сыйлай білді. Семинарға қатысушы ұстаздар рефлексия барысында мақсатқа бағытталған әрбір шараның, семинар мазмұнының тереңдігін атап өтті.