2018 жылдың 25 қаңтар күні  «Гүлдер» балабақшасында «Педагог-психологтың мектепке дейінгі ұйымда ағарту шараларын ұйымдастыру жолдары және ересек топ балаларымен түзету-дамыту жұмысы» тақырыбында мектепке дейінгі білім беру ұйымдарыныңда мемлекеттік тілде жұмыс жасайтын педагог - психологтарға арналған қалалық семинар-практикум өтті.
Семинар-практикум барысында «Гүлдер» балабақшасының психологы А.Бегайдарова ағарту шараларында топографиялық карталарды қолдану, психоэмоционалды жаттығулармен таныстырса, ал «Толағай» балабақшасының психологы Қ.Төленді психологиялық денсаулықты сақтау, денсаулықты шыңдаудың жаттығулары негізінде тәжірибе бөлісті.
«Батыр» балабақшасының психологы А.Смаилова педагог-психологтың педагогтармен жұмысты ұйымдастыруда нейрографикалық жаттығуларды тәжірибе жүзінде көрсетіп өткізді. Ал «Балапан» балабақшасының психологы Н.Шайлимбекова іс-әрекетте лепбук әдістемесін қолдану әдісімен таныстырды.
Сонымен қатар білім бөлімінің әдіскері Р.Узакбаева қатысушылармен проективті әдістемелермен жұмыс ерекшелігіне тоқтала отырып, арттерапиялық әдістемелерді талдау жүргізу бойынша әдістемелік сервис өткізілді. Семинар барысында картографиялық карталармен жұмыс, дидактикалық ойындар ерекшелігін және оны баламен түзету-дамыту шараларында қолдану, лепбук әзірлеу, психологиялық денсаулықты сақтау жаттығулары, кикілжіңді шешу, эмоционалды қысымды және стресті  жою т.б. практикалық шаралар кешені назарға ұсынылды.
Семинар қорытындысы аталған семинар-практикумның педагог-психологтың жұмысында маңыздылығын атап көрсетті.