2018 жылдың қаңтар айының 23 күні «№53 ЖББМЛ» базасында қалалық «Заманауи бастауыш мектеп» жобасын жүзеге асыру аясында бастауыш сынып мұғалімдеріне арналған «Жаңартылған бағдарламаның жаңашыл бастамасы» атты семинар ұйымдастырылды.

            Семинардың мақсаты: «Бастауыш сыныптарда жаңартылған білім беру мазмұны мен критериалды бағалауды жүзеге асырудағы іс-тәжірибемен бөлісу».

            Семинардың кіріспе бөлімінде «№53 ЖББМЛ» директоры Изулеуова С. Д. құттықтау сөзбен семинарды ашып, қатысушыларды мерекемен қүттықтап, жобаның мақсаты мен міндеттеріне, күтілетін нәтижелеріне тоқталды. Соңынан қалалық ББ бастауыш мектеп бойынша әдіскері Оспанова Г. Х.  қатысушыларды семинардың бағдарламасымен таныстырып, жемісті жұмыс тіледі.

            Семинар 2 бөлімнен тұрды: теориалық, тәжірибелік.

            Теориалық бөлімінде №38, 92 гимназияның бастауыш сынып мұғалімдері (ПШО тренерлері) Малхасян Е. Г., АкмагамбетоваА. М.   «Жаңашыл сабақтың аспектілері» тақырыбында өз жұмыстарын ұсынды.

            Тәжірибелік бөлімінде №53 мектеп-лицейінің бастауыш сынып мұғалімдері Джолимова Ж. З., Коломыцева А. А ашық сабақтары орын алды. Сын тұрғысынан ойлаудың әдіс-тәсілдерін пайдалану, деңгейлік тестілер, сараланған тапсырмалар, бай көрнекіліктер, жиі өзгертілген іс-әрекеттің түрлері сабақты жарқын және мәнерлі етті.

            Қортынды бөліміндегі әріптестердің ұсыныстары, тілектері, бағалары оң болды. Семинар жоғары дәрежеде өтті.