2018 жылдың 19 қаңтары «№92 гимназия» КММ аясында облыстық «Біздің айналамыздағы математика» жобасын іске асыру бойынша «Математика сабағында оқушылардың математикалық, функционалдық сауаттылығын арттыру» тақырыбында бастауыш сынып мұғалімдеріне арналған семинар ұйымдастырылды. Семинарға қала мектептерінен 60 мұғалім қатысты. Іс-шараны осы жобаға қатысатын №92 гимназия мен № 76 ЖББОМ бастауыш сынып мұғалімдері бірігіп өткізді.

                Аталмыш іс-шараны мектеп директоры Сейтимбетова Куланшаш Толекқызы ашып, «Біздің айналамыздағы математика» жобасының өзектілігі, мақсат-міндеттері мен күтілетін нәтижелері туралы айтып, жобаның ерекшелігіне де тоқталды.

                Семинар аясында ашық сабақтар мен сыныптан тыс іс-шаралар ұйымдастырылды. Ашық сабақтарда оқушылар математика пәнінен жақсы білімдерін көрсетіп қана қоймай, алған білімдерін әр түрлі жағдайларда қолдана алатындарын байқатып, бір-біріне өзара көмек бере алатындарын, қиын сұрақтарға ерекше шешім қабылдай ала білетіндерін де көрсетті.

                Семинарға берілген кері байланыс іс-шараның мақсатына жеткендігін, барлық әдістемелік талаптарға сай,  жоғары кәсіби дәрежеде өткендігін айқындатты.