2018 жылдың 16 қаңтарында әдістемелік кабинеттің жылдық жоспарына сәйкес қалалық «Заманауи бастауыш мектеп» жобасын іске асыру аясында №38 гимназиясында «Жаңартылған білім мазмұнының жаңашылдығы» тақырыбында бастауыш сынып мұғалімдеріне арналған семинар өтті.

                    Семинардың мақсаты: бастауыш сыныпта  білім берудің жаңартылған мазмұнын іске асыру бойынша іс-тәжірибелермен бөлісу.

         Семинар теориялық және тәжірибелік – екі бөлімнен тұрды. Іс-шараның теориялық бөлімінде Е. Г. Малхасян «Жаңаша сабақтың негізгі аспектілері» тақырыбында шеберлік-сыныбын өткізді. Е. Г. Малхасян жаңартылған бағдарлама бойынша мұғалім сабағында назарда ұстайтын 4  ұғымды (аспект) негіз ретінде алды. Олар:

1.      Оқу мақсаттары.

2.      Белсенді оқыту әдістері.

3.      Қалыптастырушы бағалау.

4.      Саралап оқыту.

Семинардың тәжірибелік бөлімінде қатысушыларға 4 ашық сабақ ұсынылды. Сабақ соңынан шағын топтарда қатысушыларға берілген тапсырмалар бойынша талқылау өткізілді.

         Семинар соңы диалогтік алаңға ұласып, қатысушылардың пікірлері, ойлары ортаға салынды.

Қалалық «Заманауи бастауыш мектеп» жобасын іске асыру аясында ұйымдастырылған бұл шара мұғалімдерге, жас мамандарға жаңартылған білім мазмұны бойынша кездескен қиындықтар мен туындаған сұрақтарға жауабын табуға мүмкіндік берді.