2017 жылдың 22 желтоқсанында Қарағанды қаласы «Ғ.Мұстафин атындағы №83 ЖББОМ» КММ «Латын әліпбиіне көшу – табысты болашақ кепілі» тақырыбында коучинг өтті. Ісшараның мақсаты – ел болашағы үшін қабылданғалы отырған маңызды шешімге қолдау көрсету және бұл бастаманың жүрегі «елім» деп соққан әрбір қазақстандықтың абыройлы міндеті екеніне көз жеткізуіне ықпал ету.
           Коучинг  жұмысы қатысушылар үшін көтеріңкі көңіл-күй туғызу мақсатында ұйымдастырылған «Менен сізге» психологиялық әдісімен, жылы лебіз білдіруден басталды.
             Кіріспе бөлімде Ғ.Мұстафин атындағы №83 ЖББОМ қазақ тілі мен әдебиеті пәндерінің мұғалімі Кокина Акзер Зарыкбековна латын әліпбиіне көшу мәселесінің кейбір тұстарына тоқталды. Осы бастама төңірегінде атқарылып жатқан ісшаралардың түрлері мен мазмұны бойынша қатысушыларға ақпарат берді.
             Ағылшын тілі пәнінің мұғалімі Сагинтаев Талгат Избасарович қазақ және латын әліпбилеріне салыстырмалы талдау жасап, қиыншылықтары мен тиімді тұстарын таныстырып өтті.
            Мектептің кітапхана меңгерушісі Е.В.Игнатьева өз сөзінде латын әліпбиінің тарихына көз жүгірте отырып, Не? Қайда? Қашан? Қалай? сұрақтарына жауап іздеді.
Коучингтің тәжірибелік бөлігінде педагогикалық ұжым ұсынылған жаңа әліпбидің нұсқасымен танысты, «Жаңа жылдық құттықтау» мәтінін дауыстап оқып жеткізген шараны ұйымдастырушылардың латын әліпбиін қаншалықты меңгергендігінің куәсі болды. Шара жалғасында қатысушылармен тәжірибе алмасу мақсатында шығармашылық жұмыс түрі жүргізілді.                   
Қорытындысында қатысушылар латын әліпбиіне көшу мәселесіне қатысты өз ойларын білдіре отырып, мемлекеттік тілдің мәртебесін көтеру, болашағына қолдау көрсету мақсатында осындай шараларды ұйымдастырудың қаншалықты маңызды екендігін айта келіп, алған әсерлерімен бөлісті, тілектерін білдіріп, ұсыныстарын айтты. Латын әліпбиінің келешекте ғұмыры ұзақ болатыны жайлы қоғамдық пікірдің қалыптасуы қуантарлық жайт.