2017 жылдың 12 желтоқсаны «№66 ЖББОМ» КММ аясында облыстық «Біздің айналамыздағы математика» жобасын іске асыру бойынша «Сабақта және сабақтан тыс іс-шараларда оқушылардың функционалдық сауаттылғын арттыру» тақырыбында бастауыш сынып мұғалімдеріне арналған семинар ұйымдастырылды. Семинарға қала мектептерінен 80 мұғалім қатысты. Іс-шараны жобаға қатысатын №66 МЛ, № 15 ЖББОМ, №53 МЛ бастауыш сынып мұғалімдері бірігіп өткізді.

                Аталмыш іс-шараны мектеп директоры Б. Н. Нұрмұханов ашып, «Біздің айналамыздағы математика» жобасының өзектілігі, мақсат-міндеттері мен күтілетін нәтижелері, жобаның ерекшелігі туралы айтып өтті.

                Семинарға «Өрлеу» БАҰО АҚ Қарағанды облысы бойынша педагогикалық қызметкерлердің біліктілігін арттыру интстиутының маманы М. П. Кушнир және институттың аға оқытушысы Е. И. Котвицкая арнайы шақырылып, математика пәніне оқушы қызығушылығын арттыру бойынша «Мұғалімге лайфхак: математиканы оқуға деген қызығушылықты сақтау» тақырыбында интербелсенді әдістер арқылы дәрісін ұсынды. 

                Семинардың тәжірибелік бірінші бөлігінде №66 МЛ мұғалімдері  қатысушыларға ашық сабақтар ұсынды. Н. Г. Термякованың «Геометриялық есептерді шығару» тақырыбында өткізілген сабағында тегіс және көлемді фигуралар мен жұмыс істеудегі оқушылар өздерінің жоғары білімдері мен біліктерін көрсетті, ал Р. И. Жетпісбаева, У. Ж. Жунусбекова, Н. А. Полынкова өткізген сыныптас тыс іс-шараларда оқушыларға қызықты, стандарттан тыс тапсырмалар ұсынылды. Оқушылар өздері тапсырманы орындап қана қоймай, талдау жүргізе алатындықтарын, мәселені шешуде бірнеше жол таба білетіндіктерін көрсетті.

                Семинардың тәжірибелік екінші бөлігінде қатысушыларға  Чернушенка Н. Е., Кошикова М. Б. және №15 ЖББОМ бастауыш сынып мұғалімдері Ныганова Г. Н., Сейфуллина И. Б., Вторыгина С. Н., Байсалдина А. Т. шеберлік-сыныптарын көрсетті.

                Іс-шара №53 МЛ дайындаған байқауымен аяқталды. Бұл жерде бастауыш сынып мұғалімі Ж. З. Джолимованың математика мен сәнді тамаша үйлестіру арқылы дайындаған «Математикадағы сән» атты тамаша іс-шарасы қатысушылардың назарларына ұсынылды.

                Семинарға берілген кері байланыс іс-шараның мақсатына жеткендігін, барлық әдістемелік талаптарға сай,  жоғары кәсіби дәрежеде өткендігін айқындатты.