2017 жылдың 29 қарашасы «№ 76 ЖББОМ» КММ аясында облыстық әлеуметтік-педагогикалық «Біздің айналамыздағы математика» жобасын іске асыру бойынша бастауыш сыныптың оқушылары арасында «Менің өмірімдегі математика» байқауының қалалық III кезеңі ұйымдастырылды.

            Байқаудың мақсаты: бастауыш сынып оқушыларын шығармашылық ізденіс және жобалық жұмыстарға баулу, оқушылардың математикалық сауаттылығын арттыру,  мотивациялық, интеллектуалдық қабілеттерін дамыту, математикадан шығармашылық жұмыстарға тарту.

            Жобаға қала мектептерінен 48 жас-зерттеушілер қатысып, 3 бағыт бойынша жұмыстарын қорғады. Олар: «Математик ғалымдардың  еңбектері», «Сандар сөйлейді», «Өміріміздегі математика».

            Әрбір бағыт бойынша зерттеу жұмыстары теориялык, эксперименттік, ойлап тапқыштық негізде болды. Оқушылар жұмыстарын  қорғауда презентация, банер, стенд, суреттер, диаграмма қолданды.

            Байқаудың қорытындысы бойынша №6, 16, 18, 36, 53, 68, 74, 76, 81, 92, 137 білім беру ұйымдарының оқушылары жүлделі орындарға ие болды.