2017 жылдың 20 қарашасында инклюзивті білім берудің ресурстық орталығы болып келетін № 27 жалпы білім беретін орта мектепте Татарстан Республикасының (Ресей федерациясы)  өкілдерімен жұмыс кездесуі өтті.

Мектеппен танысу барысында қонақтарға әлеуметтік-тұрмыстық, Монтессори, сенсорлық біріктіру, моторлық түзету, бейнелеу студиясы, өмір қауіпсіздігі негіздері, арнайы педагогтар кабинеттері көрсетілді. Арнайы сыныптар мен мектепалды шағын орталығы  жұмыстарымен таныстырылды. 

Мектеп директоры Даупбаева К.Т. келушілерді мектептің инклюзивті білім беруді дамыту бағытындағы жұмысымен таныстырды. Психологиялық-педагогикалық сүйемелдеу қызметі мамандары түзете-дамытып оқыту сабақтарыныан үзінділерді қамтитын бейнеролик ұсынды. Роликте Р.Исатаеваның «Ойын әрекетін ояту және дамыту», А.Ботченконың «Ертегі арқылы халық алдына шығып сөйлеуден қорқуды түзеу», А.Мұқанның «Сенсорлық біріктіру сабағы» көрініс тапты.

«Аутист балалардың ата-аналары» қоғамдық қорының волонтерлері 2 А сынып оқушыларымен бірігіп, аутистік ауытқулары бар балалармен ойын сабағын өткізді. № 27 мектептің логопед-мұғалімі О.Ким «Лапа помощи» қоғамдық қорының волонтерлерімен біріге отырып канистерапия (итті қолдана отырып емдеу)  сабағынан үзінді, қосымша білім беру педагогы П.Мамедов арнайы сынып оқушыларымен бірге  «Таэквондо» секциясының сабағынан үзінді көрсетті. Мектеп мамандары балалардың шығармашылық жұмыстарынан, әдістемелік әзірлемелерден көрмелер ұйымдастырған. Дайындалған бейнеролик, көрсетілген сабақтар қонақтардың көңілінен шығып, жоғары баға алды.