Қалалық білім бөлімі әдістемелік кабинетінің жоспарына сәйкес 2 қараша «№15 ЖББОМ» КММ-де  қазақ тіліндегі және аралас мектептердің қазақ сыныптарының жас мамандарына арналған  «Критериалды бағалаудың ерекшеліктері» тақырыбында қалалық дөңгелек үстел өткізілді.  Ісшараны білім бөлімінің әдіскері Жаркеева Г.Б. «Жаңартылған бағдарлама – білім берудің жаңа мазмұны» тақырыбындағы алғысөзімен бастап, ашып   берді. Дөңгелек үстел барысында №15 ЖББОМ қазақ тілі мен әдебиеті мұғалімдерінің ӘБ жетекшісі  Кошерханова А.Н. «Қалыптастырушы бағалаудың ерекшеліктері» тақырыбында баяндама жасаса, қазақ тілі мен әдебиеті мұғалімі Көпбергенова Ж.Қ. «Жаңбыр.Бұлт.»  тақырыбында ықшам сабақ өткізді. №17 ЖББОМ қазақ тілі мұғалімі Мәлік Лаура өткізген сергіту сәті де сәтті шықты. Әдіскер Г.Б.Жаркеева ұстаздармен топтық жұмыс жасатып, жаңартылған білім мазмұны бойынша кездескен қиындықтар туралы ой бөлісіп, пікіралмасу ұйымдастырды. Дөңгелек үстел соңында аталмыш мектептің қазақ тілі мен әдебиеті мұғалімдері Утарбаева М.И. мен Байготанова Б.К. рефлексия өткізді. Өткен шараға алғыстарын білдірген жас мамандар өздерін толғандырып жүрген көптеген сұрақтарына жауап алғандарын айтып, ризашылық білдірді.