Қалалық білім бөлімі әдістемелік кабинетінің жылдық жоспарына сәйкес 2017 жылдың 26 қазанында «№15 ЖББОМ» КММ-де «Білім беру мазмұнын жаңарту аясында ағылшын тілі сабақтарындағы жаңа тәсілдер» тақырыбында қалалық семинар өткізілді. Семинардың ұйымдастырылуына білім бөлімінің әдіскері Абеуова С.К. басшылық етті. Қаламыздың 76 мектебінен келген ағылшын тілі мұғалімдері семинарға белсене қатысты. 

Семинар барысында №15 ЖББОМ-ның ағылшын пәні мұғалімдері Наумова А.Ю., Ким Р.В. 7-сыныпта "Communication and Technology. Unit revision", 8-сыныпта «Cara’s story» тақырыптарында, «№54 ЖББОМ» КММ мұғалімі Бачевская С.В. 5-сыныпта "Unit revision. Lesson–game”  тақырыбында жаңартылған білім мазмұны аясында ашық сабақтар өткізді.

Рефлексия кезеңінде өткізілген барлық ашық сабақтарға талдау жасалды. Мұғалімдер әріптестерінің ашық сабақ барысында қолданған әдіс-тәсілдерін тиімді деп тауып, оң бағаларын берді. 

Семинардың екінші кезеңінде «Ағылшын сабақтарында жиынтық бағалау кезінде кездесетін қиындықтар» тақырыбында практикалық жұмыстар жүргізілді. Оқыту орыс тіліндегі мұғалімдермен әдіскер Абеуова С.С., оқыту қазақ тіліндегі мұғалімдермен №39 және №97 гимназиялардың ағылшын тілі мұғалімдері Шопенова Н.Б., Шамиева Р.К. түсіндіру жұмыстарын  жасады. Критериалды бағалау бойынша туындаған сұрақтарға тиісті жауаптар алған мұғалімдер, бөлімдер бойынша алынған жиынтық бағалау тапсырмаларын талдап, кездескен қиындықтарды талқыға салды. Сонымен қатар, екінші тоқсанда жүргізілетін жиынтық бағалаулар бойынша нұсқаулықтар берілді.

Семинар қатысушылардың қызығушылығын қанағаттандыратындай интербелсенді режімде өтті.