Қалалық білім бөлімі әдістемелік кабинетінің жоспарына сәйкес 19 қазан №12ЖББОМ-да  қазақ тілі мен әдебиеті пәні мұғалімдеріне арналған «Қазақ тілін оқытуда АКТ-ны қолдану» тақырыбында семинар болып өтті. Семинардың мақсаты: Педагог-мамандардың әдістемесіне жаңашылдықтар енгізу, өмір ағымына сай жаңа ақпараттық технологияларды игеру дағдысын қалыптастыруға ықпал ету. Семинарға қала мектептерінен 50 шақты мұғалім қатысты. Қалалық семинардың   ашылу  рәсімін  мектеп  директорының оқу ісі жөніндегі орынбасары Қасанбекова С.Е. жасады. Қалалық  білім  бөлімінің  әдіскері  Жаркеева Г.Б. «Білім беруді ақпараттандыру» тақырыбында баяндама жасап, ойымен бөлісті.
 Семинар барысында А.З.Кудашбаева 11«Б» сыныбында, Т.О.Исатаева 5«Б» сыныбында және К.А.Жакенова 6«А» сыныбында ашық сабақтар өткізіп, өз тәжірибелерімен бөлісті. Семинар жоспарына сәйкес М.Е.Маханова, бастауыш сынып мұғалімі, Ж.О.Аукенова, тарих пәнінің мұғалімі, Е.С.Макашев, информатика пәнінің мұғалімі «Оқыту мен оқуда АКТ-ны пайдалану тиімділігі» тақырыбында коучинг өткізді. Коучингтің практикалық кезеңінде мұғалімдер АКТ мүмкіндігін пайдалана отырып, өздері тапсырмалар және тест құрастырды. Learning App,org сайтымен жұмыс жасады. Электронды журнал толтыруға байланысты сұрақтарына жауап ала алды.
Семинар соңында қатысушылармен рефлексия жүргізілді. Рефлексия барысында мұғалімдер қатысқан ашық сабақтары мен семинар-практикум туралы ой бөлісіп, пікіралмасты.