2017 жылдың 12 қазанында №23 ОМ базасында    «Білім беру мазмұнын жаңарту жағдайында оқушылардың математикалық сауаттылығын дамыту»

тақырыбында «Қарағанды қаласының  білім бөлімі» ММ  және  «Өрлеу» БАҰО» АҚ филиалы Қарағанды облысы бойынша ПҚ БА институты бірлесе отырып, математика пәні мұғалімдеріне арналған семинар ұйымдастырды. Семинардың мақсаты: «Математика пәні бойынша білім берудің жаңартылған мазмұнын тәжірибеге енгізу мәселелері бойынша педагогтардың кәсіби құзыреттіліктерін жетілдіру және олимпиада есептері мен математикалық сауаттылық есептерін талдау.

     Семинардың теориялық бөлімінде тақырыптың өзектілігін ашу мақсатындағы алғы сөзді ҚББ әдіскері Г.У. Аязбекова алды. «PISA халықаралық зерттеуіне Қазақстандық оқушылардың қатысу нәтижесі» тақырыбы бойынша «Өрлеу» БАҰО» АҚ филиалы Қарағанды облысы бойынша ПҚ БА институтының аға оқытушысы  Бигельдинова Б. Н. шағын презентациясын ортаға салды.   №41 ОМ  математика пәнінің мұғалімі  Естаев Дәурен және  №92  гимназияның математика пәнінің мұғалімі  Хабдолда Серікбол  олимпиадалық және оқушылардың математикалық сауаттылығын дамыту  есептерін шешу тәсілдерін ұсына отырып, семинарға қатысып отырған мұғалімдермен  іс – тәжірибе бөлісті.   № 23 ОМ математика пәнінің мұғалімдері Мамыхова Г.Е. мен Фазылова М.А. көрсеткен ашық сабақтары арқылыбілім беру мазмұнын жаңарту жағдайында оқушылардың математикалық сауаттылығын дамытуын  практикада  жүзінде көрсете  алды.

      Математикалық сауаттылық – әлемдегі математиканың рөлін айқындау және түсіне білу, математикалық тұжырымдарды дәлелді негіздей білу және қызығушылығы бар, ойлы азаматқа тән қажеттіліктерді қанағаттандыру үшін математиканы қолдана білу қабілеттері.

Ендеше, бұл міндеттерді шешу үшін мұғалімнің күнделікті ізденісі арқылы барлық жаңалықтар мен қайта құру, өзгерістерге жол ашады. Сондықтан сабақ барысын жаңаша ұйымдастыру қажет екенін семинарға қатысушылар қорытынды сөздерінде айтып кетті.