Қарағанды қаласы білім қызметкерлерінің «Қазақстанды үшінші жаңғырту – білім саласына үлес қосу» тамыз кеңесінің 2017 жылғы 25 тамызындағы 

ШЕШІМІ  

 

     Қарағанды қаласы білім қызметкерлерінің тамыз кеңесі ҚР БҒМ 2017 ж. 24 шілдесіндегі №347 бұйрығына сәйкес өткізілді. Талқыға салынған негізгі мәселелер Қазақстан Республикасындағы білім беру мазмұнын жаңарту: бастауыш және орта білім берудің жаңа Мемлекеттік стандартына көшу, 2,5,7 сыныптардың жаңа оқулықтары,   үштілдік білім беруге көшу, инклюзивтік білім беру,  «Электрондық журнал» жобасында жұмыс жасау,  мектепке дейінгі білім берумен қамту, қосымша білім берумен қамту, роботехника арқылы оқушылардың техникалық ойлау дағдысын дамыту, «Мәңгілік Ел» идеологиялық платформасын жүзеге асыру арқылы қазақстандық патриотизмге тәрбиелеу.  

     Пленарлық отырыстың қатысушыларын, баяндаушылардың, дөңгелек үстелге қатысушылардың баяндамаларын тыңдай отырып, қала әкімі Н. Е. Аубакировтың тапсырмасын ескеріп, пән мұғалімдерінің, жетекшілердің, мектепке дейінгі қызметкерлердің,  мектептен тыс ұйымдар  жетекшілерінің секциялық отырыс нәтижесінде қабылданған шешімін жалпылай келе 2017-2018 оқу жылында мынадай міндеттерді орындауды қамтамасыз ету туралы шешім қабылданды:   

1. 2016-2019 жж. білім беруді дамытудың Мемлекеттік бағдарламасын жүзеге асыру бойынша жұмыс жалғастырылсын, сонымен қатар,  мемлекеттік тапсырыстағы жеке меншік балабақшаларға мектепке дейінгі жастағы балаларды қамтып орналастыру арқылы жүзеге асыру арттырылсын.  

2. №27 ЖОМ және «Алмагуль» б/б «Инклюзивтік балабақша-мектеп-колледж» облыстық жобасындағы жұмыс №25, 54 ОМ және т.б. инклюзивтік білім беру бойынша пилоттық білім беру ұйымдарында тәжірибе тарату арқылы жалғастырылсын. 

3. Жаңартылған білім беру мазмұны аясында қала педагогтерінің біліктілігін арттыру бойынша «Өрлеу» ҰБАО, Қарағанды облысы ПШО бірлескен жұмыс,  сонымен қатар, оқыған педагогтер, мектеп тренерлері, әдіскерлерді қолдау жұмысы жалғастырылсын.   

3.1. Ағылшын тілі мұғалімдерінің тілді меңгеру курстары, соның ішінде қашықтықтан оқыту курстары арқылы олардың тілдік деңгейін, сонымен қатар, химия, биология, физика, информатика мұғалімдерінің 8, 9, 10 айлық оқуларын өндірістен қол үзу және үзбеу арқылы оқушыларды үш тілде оқытуға дайындау бойынша жұмысы жалғастырылсын.  

3.2. «ПШО мен Кембридж Университетінің білім беру факультетімен бірлесіп әзірленген Бағдарлама бойынша біліктілікті арттыру курстарын аяқтаған мұғалімдерді курстан кейінгі қолдау кезеңінде менторингті жүзеге асыру механизмі» атты ПШО бірлескен жобасы аясындағы жұмыс жалғастырылсын.  

3.3. 2017-2018 оқу жылы 1,2,5,7 сыныптарда жаңартылған білім беру мазмұнын енгізу бойынша және үштілділікке  дайындау аясында жұмыс жалғастырылсын.  

3.3.1. Қалалық білім бөлімі әдіскерлерінің оқыту семинарларын өткізу және ПШО бірлескен әдістемелік қолдауды ұйымдастыру арқылы 1,5,7 сыныпта жұмыс жасайтын мұғалімдерге жаңартылған білім беру аясындағы жаңа Мемлекеттік стандартты енгізуде әдістемелік көмек көрсетілсін.    

3.3.2. 2017-2018 оқу жылында 20 пилоттық білім беру ұйымдарында оқу жоспарының инварианттық бөлігіне үштілдік оқытуды (химия, биология, информатика, физика) енгізу үшін әдістемелік қолдауды қамтамасыз етсін.  

3.3.3. 2017-2018 оқу жылында қаланың 67 білім беру ұйымында оқу жоспарының вариативтік бөлігіне үштілдік оқытуды (химия, биология, физика, информатика) енгізу үшін әдістемелік қолдауды қамтамасыз етсін.   

3.3.4. 9,11 сыныптарда оқушыларды қорытынды аттестаттауға дайындауды жетілдіру, білім сапасын арттыру, функционалдық сауаттылықтарын дамыту, ОСЖБ, PISA,TIMSS дайындау бойынша жұмыс жалғастырылсын.  

3.3.5. Тақырыптық бақылауды жүргізу және оқушылардың «проблемалық аймақтарын» жою бойынша уақытылы көмек көрсету мақсатында «Айқын» облыстық жобасындағы жұмыс жалғастырылсын.      

4. «Мәңгілік Ел» жалпыұлттық идеясын жүзеге асыру аясында барлық оқу пәндерінің тәрбиелік мәнін күшейтілсін,   қосымша білім берумен қамтамасыз етілсін, сонымен қатар, оқушылардың спорт секциялары мен үйірмелерге қатысуын арттырсын. 

4.1. Қаламыздың білім беру ұйымдарында «Рухани жаңғыру» жобасының аясында іс шаралар зерттеу, жоба қорғау, қосымша білім беру арқылы жүзеге асырылсын.  

4.2. Қаланың жас дарынды балаларын, қосымша білім беру ұйымдарындағы тәрбиеленушілерді қолдау және олардың Республикалық және Халықаралық музыкалық, шығармашылық байқауларына қатысуына ықпал ету бойынша қолдау көрсетілсін.   

4.3. «Футбол сағаты» облыстық жобасына қатысу үшін пилоттық мектептер анықталсын, бастауыш сыныптағы дене шынықтырудың үшінші сағаты футболды үйренуге бағытталатын болады.  

5. Оқушылардың шығармашылық, жобалау және техникалық ойлауын дамыту бойынша жұмыстар жалғастырылсын.  

5.1. Оқушылардың техникалық ойлау дағдысын дамыту үшін робототехника кабинеті сабақтарындағы жұмысты, сонымен қатар, «Болашақтың инженері» облыстық жобасына қатысу жұмыстары белсендірілсін.  

5.2. Мектеп оқушыларын робототехника бойынша қалалық фестивальға (қаңтар, 2018), «Roboland-2018» халықаралық фестивальға қатысуға дайындасын.     

6. Білім беру ұйымдарында Қамқоршылық кеңесінің рөлі, ықпалдығы мектептің ішкі өміріне араласу құзыреттілігі беріле отырып, күшейтілсін.  

7. Оқу-тәрбие үрдісін ұйымдастыру үшін жағдай жасалып жетілдірілсін (көгалдандыру, мектепті, кабинеттерді, спорт алаңын рәсімдеу.  

8. Білім беру ұйымдарының әрекетіне мониторинг жүргізу жұмысы білім қызметінің сапасын арттыру (рейтинг) құралы ретінде жүргізілсін.   

9. Білім бөлімі 2017 жылдың 25 қыркүйегіне дейін  тамыз кеңесінің шешімін орындау бойынша іс-шаралар жоспарын әзірлеп, бекітсін және оны білім беру ұйымдарының назарына жеткізсін.