2017 жылдың 06 шілдесіндеқарағандылық Орталық саябағының Каскад алаңында Елорда күніне орай «Ел жүрегі – Астана!» атты арт-фестивалі өтті.

     Арт-фестиваль шеңберінде Саябаққа келген қарағандылықтар үшін қаламыздың орта мектептері мен қосымша білім беру ұйымдарының оқушылары шығармашылық көрме ұйымдастырып, өз өнерлерін көрсетті. Атап айтсақ, балалар және жасөспірімдер Сарайының шығармашылық клубтар мүшелерінің өнерлері,  №51 орта мектебінің «Менің аулам» атты жобасы, Жас  натуралистер станциясының табиғи заттардан және қалдық заттардан  жасалған қолөнері, №1 балалар музыка мектебі, №2 өнер мектебі және№1 балалар көркемөнер мектебінің жас суретшілерінің туындылары қойылып, №101 мектеп-лицейінің авиамодельдік үйірмесінің оқушылары авиацияның қыр-сырын үйреніп ғана қоймай, сонымен қатар, өздері де ұшақтар мен беспилотниктер құрастырып, өнерлерін паш етті.

    Ал саябақтың басты сахнасында бұл күні көрермендер назарына үлкен мерекелік концерт ұсынылды.