2017 жылдың 17 мамыры №27 ОМ базасында балалар мен жасөспірімдердің жазғы демалысын, сауықтыруын және бос уақытын ұйымдастыру бойынша мүдделі ұйымдар өкілдерінің қатысуымен мекеме аралық жиналысы өтті. 

Жиналыс жұмысына Қазбек би және Октябрь аудандарының Қоғамдық денсаулық сақтау басқармасы, қалалық төтенше жағдайлар басқармасы, Қарағанды қаласының Оңтүстік-Шығыс полиция бөлімі, су құтқару және өртке қарсы қызметі, «GIO TRADE» салауатты өмір салтын қалыптастыру орталығы, Қарағанды қаласының жастар ісі жөніндегі ресурстық орталығы өкілдері, сонымен қатар директордың тәрбие ісі жөніндегі орынбасарлары және мектеп жанындағы лагерь жетекшілері қатысты.

Жиналыс барысында жоғарыда айтылған мүдделі ұйымдар өкілдері жазғы демалысты ұйымдастыру және өткізу жұмыстары бойынша ақпарат берді.

Аталған жиналыс жұмысы барысында мектеп жанындағы сауықтыру лагерлерінің жұмысындағы өрт қауіпсіздігі, суда шомылу кезіндегі қауіпсіздік ережелері, жасөспірімдердің бос уақытын ұйымдастыру, мектеп жанындағы лагерледің жұмысы үшін рұқсат қағаздарын алу, ішек ауруларының алдын алу, сонымен қатар «Жасыл ел» жастар еңбек жасақтары аясында жасөспірімдердің маусымдыө бос уақыты бойынша мәселелер талқыланды.  

Жиналыс қорытындысы бойынша барлық бірлескен жұмыс барысында өзара байланысты күшейту мақсатында ұсыныстар берілді.