2017 жылғы 28 сәуірде «Жыл сыныбы - 2017» ІІ қалалық байқауы өтті. Байқаудың мақсаты: салауатты бәсекелестік қалыптастыра отырып, оқушылардың білімділік және тәрбиелік деңгейін арттыру арқылы зияткерлiк және шығармашылық потенциалын көтеру.
Байқау «№92 гимназия» КММ аясында өтті. Оған Қарағанды қаласының №№ 6, 8, 12, 15, 18, 22, 23, 36, 39, 53, 57, 58, 68, 77, 81, 92, 93, 101 білім ұйымдарынан 8-10 сыныптардың оқушыларынан құралған 18 команда қатысты.
Байқау 3 кезеңнен тұрды. Іріктеу, сайыстық, қорытынды кезең.
• Іріктеу кезеңінде сайысқа қатысушылар бір жыл бойғы жан-жақты жетістіктерін жинастырып, сыныппен ашық тәрбие сағатын өткізді.
• Сайыстық кезеңде сыныпты әр қырынан сынға алатын, оқушылардың интеллектісін, логикасын, шығармашылдығын анықтайтын тапсырмалар берілді.
• Ақтық кезең, яғни қорытынды кезеңде сынып оқушылары өз сыныптарын жарнамалап, 5-7 минут аралығында сахнада өнер көрсетті.
Финалда №12, 36, 39, 53, 57, 68, 92, 93, 101 білім беру ұйымдары қатысты.
Финал қатысушылары келесі орындар мен номинацияларға ие болды:
І орын - № 39 гимназия
ІІ орын – 68 МББИК
ІІІ орын - №53 МЛ
«ШЕШЕНДЕР» - № 12 ЖББОМ
«ТАПҚЫРЛАР» - № 36 ЖББОМ
«АЛҒЫРЛАР» - № 101 МЛ
«ТАЛАПТЫЛАР» - № 93 гимназия
«ІЗДЕНУШІЛЕР» - № 57 МЛ
№92 гимназияның 8 «Ә» сынып оқушылары «ЖЫЛ СЫНЫБЫ - 2017» атанды.
Жеңімпаз сыныпты жеңістерімен құттықтай отырып, биік шыңдарды одан әрі бағындыра беріңдер деп тілек білдіреміз.
Байқауға қатысушылардың барлығы алғыс хатпен марапатталды.
Жеңімпаз бен жүлдегерлерді және қатысушыларды құттықтаймыз!
Авторство:
