Қалалық білім бөлімі ӘК жоспарына сәйкес 16 наурыз № 86 ЖББОМ базасында облыстық «Оқу шаттығы» жобасын жүзеге асыру мақсатында қалалық семинар болып өтті. Семинарға оқыту қазақ және орыс тілдеріндегі мектептерден алпысқа жуық қазақ тілі мен әдебиеті мұғалімдеріқатысты. Семинарды мектеп директоры Н.Д.Кунедилов құттықтау сөзбен ашып, жоба бойынша атқарылып жатқан жұмыстарға қысқаша тоқталып өтті. Қалалық білім бөлімінің әдіскері Жаркеева Гулназ Бекетовна кіріспе сөзіндежобаға енген эксперименттегі бес мектептегі атқарылып жатқан жұмыстарға тоқталды. Қазақ тілі мен әдебиеті мұғалімі М.С.Габдуллинаның жетекшілігімен өткен «Оқу шаттығына» арналған семинарда оқушылар  поэзия, проза, драмалық шығармаларды жатқа оқып, көріністер көрсетіп, сахналық қойылымдар қойды. Ата-аналар да балаларының кітап оқуға қызығушылықтарын арттыру бағытында жасап жатқан жұмыстарын көрсетіп, өз көзқарастарын білдіріп, ойларын ортаға салды. 

Семинар соңында мектеп психологы Б.Адамқожина семинарға қатысушылармен психологиялық тренинг жүргізді, рефлексия жасады. Ұйымдастырылған барлық шаралар көпшілік көңілінен шығып, жоғары баға алды