2017 жылғы 22 ақпан күні қаламыздығы М.Жұмабаев атындағы №39 гимназияда облыстық «Бір кітап – бір аймақ» акциясы аясында Қарағанды қаласының білім бөлімімен бірлесе отырып «Табысқа жетудің бір ғана жолы – кітап оқу» тақырыбында онлайн режимінде дөңгелек үстел ұйымдастырылып өткізілді. 

Шараның негізгі мақсаты: кітап неге оқылмайды деген сауалдың жауабын жан-жақты іздеу. Бүгінгі таңда мектеп оқушыларын әдебиеттен алыстатып алмаудың жолын бірлесіп қарастыру. Кітапқа деген баланың қызығушылығын арттыру. 

Аталмыш шараға  ҚарМУ-дің оқытушылары, Қарағанды қаласы білім бөлімінің әдіскерлері, Ж.Бектұров атындағы кітапхананың қызметкері, қала мектептерінің мұғалімдері мен оқушылары қатысты. Онлайн режимде өтіп отырғандықтан бұл шараға облыстың мектептері де қосылуға мүмкіндік алды. 

Ой бөлісу кезінде: «Жаңа заман техникасы жарнама жасауға, жылдам ақпарат алуға, атаулы күндерді еске салуға т.б тиімді болғанымен, кітап оқымау сауатсыздыққа апарады» - деп түйінделді.