Қалалық білім бөлімінің жоспарына сай 23.02.2017жылы №27ЖББОМ базасында «Оқушылардың мүмкіндігін жан-жақты дамытуда деңгейлік тапсырмаларды пайдалану» атты қалалық семинар ұйымдастырылып өткізілді.
Семинарға қаламыздың 28 мектебінен қазақ тілі мен әдебиеті мұғалімдері қатысты. Семинардың теориялық бөлімінде семинарға қатысушылар осы бағыт бойынша мектепте атқарылып жатқан жұмыстармен таныстырылды. Педагогтар арасында осы мәселеге қатысты сауалнама жүргізілді.
Семинардың практикалық бөлімінде осы мектептің қазақ тілі мұғалімдері ашық сабақтар өткізді.Сабақ барысында мұғалімдер ерекше қабілеті бар балалармен қалай қарым-қатынас жасау керек екендігін көрсете отырып, оқу үрдісінде кездесетін қиыншылықтарды қалай жеңуге болатындығы жайлы өз ұсыныстарын айтты.
Қонақтардың назарына осындай ерекше қабілті бар балалардың қатысуымен концерттік бағдарлама ұсынылды. Семинарға қатысушылар семинардың өзектілігін, өткізілуінің жоғары деңгейін атап өте отырып, мектеп ұжымына шығармашылық табыстар тіледі.
Авторство:
