2017 жылдың 22 ақпанында № 82 ЖББОМ базасында «География және тарих сабақтарын оқу мен оқытуда жаңа тәсілдерді қолдану».
Семинардың мақсаты: Сабақ үрдісінде оқу мен оқытудағы жаңа әдістер мен тәсілдерді енгізудің тиімділігі және олардың өзара сабақтастығын өз тәжірибесі арқылы көрсете білу.
Семинардың практикалық бөлімінде № 82 ЖББОМ мұғалімдері өз сабақтарында Кембридж бағдарламасы аясындағы жеті модульді, критериалды бағалауды, сыни ойлауды және сабақтағы қалыптастырушы және жиынтық бағалауды қаншалықты деңгейде қолданып жүргендерін көрсетіп, тәжірибелерімен бөлісті. Семинарға қатысушылар өз дәрежесінде өткен ашық сабақтарға оң бағаларын берді және сабақ үрдісінде оқушылардың белсенділігінің жоғары болғанын айтты.
Семинардың теориялық бөлімінде мұғалімдермен коучинг ұйымдастырылып, өткізілді. Коучинг барысында тарих және география пәні мұғалімдері білім саласындағы жаңа әдістер мен тәсілдерді енгізу мен қолданудың тиімділігі туралы ойларын ортаға салып, пікіралмасуда белсенділік танытты. Тақырып төңірегінде топта жұмыс жасаған ұстаздар өз тәжірибелеріне тиімді деген тәсілдерді ала алды, талқылау барысында көзқарастарын да өзгертуге талпынды.
Семинар соңындағы кері байланыс барысында ұстаздар аталмыш семинар тақырыбының өзектілігі мен қажеттілігін атап өтті.
Авторство:
