Қарағанды қаласы білім бөлімінің жоспарына сәйкес ақпанның он жетісі М.Жұмабаев атындағы №39 гимназияда онлайн режиміндегі  «100 кітап»  жобасының қорытынды кеші болып өтті. Осы жоба аясында мектепішілік деңгейден сүрінбей өткен алғыр оқушылар қалалық сайыста бағын сынады. Бекітілген тізім бойынша 5-11 сынып оқушылары арасында мәнерлеп оқу сайысы, интеллектуалдық ойын, сахналық қойылым, электрондық кітапша, эссе жазу сияқты байқауларда сынға түсті.  Жобаға 15 қала мектептері өтініш білдіріп, қатысты. Жобаның қорытындысы бойынша оқушыларға диплом, сыйлықтар және үздік деп танылған мектептерге алғыс хат берілді. Онлайн режимінде өткен бұл шараға облыстық мектептер де қатысып, тамашалады.