2017 жылдың 15 ақпанында №61 ЖББОМ базасында "Математика сабағында критериалды бағалауды қолдану әдістері" атты қалалық семинар өткізілді. Семинарға, қала мектептерінің оқыту қазақ тілінде жүргізілетін, 48 математика пәні мұғалімдері қатысты.

     Семинардың мақсаты: "Математиканы оқытуда оқушылар арасында өзара және ұжымдық қарым-қатынасты орнату, оқушылардың сенімсіздіктерін жою мүмкіндіктерін арттыруға жол ашатын бірден бір тәсілі ретінде критериалды бағалау жүйесін қолдану әдістері бойынша тәжірибе алмасу".     

   Аталған шара аясында, 11 сыныпта "Призманың көлеміне есептер шығару",  7 сыныпта "Рационал бөлшектерді қысқарту тақырыптарында  ашық сабақтар көрсетілді.  Бірінші деңгейлік бағдарлама курсын аяқтаған ұстаз Қошанова Ж.Ж. "Критериалды бағалау - сапалы білім негізі" тақырыбында тренинг өткізіп, теориямен практиканы ұштастыра білді. Педагог - психолог Айтбаева А.К.  "Нақтылық - өмір талабы" тренингісін өткізу барысында қарым-қатынас орнату арқылы нәтижеге қол жеткізетінімізді дәлелдеді.

    Семинарға қатысушылар жылы лебіздерін білдіріп, осы  технология қазіргі білім берудің көптеген мәселелерін шешуге мүмкіндік беретінін атап өтті.