2017 жылы 10–шы ақпанда № 22 мектеп-интернат базасында «Шығармашылықты шыңдауда ұлттық өнердің рөлі» атты семинар өтті.

         Технология пәнінің мұғалімдері Г.Н.Магазова және М.К.Қалиева семинарда өздерінің ашық сабақтарын көрсетті.

           Г.Н.Магазова «Сырып, бүгіп жабық және ашық тіліктерді машинада орындау» тақырыбындағы  ашық сабағы жақсы әдістемелік деңгейде өтті.

         5 сынып оқушылары     тоқпен істейтін тігін машиналарымен  жұмыс істеуде іскерліктері мен  білімдерін көрсете білді, әр түрлі тігіс түрлерін орындады. Сонымен қатар, сабақтың теориялық бөлімінде

         алған білімдерін растап, өз белсенділіктерін танытты.

         Технология пән мұғалімі М.К.Қалиев 9 сынып оқушыларымен өткізген сыныптан тыс   «Кәдесый домбырасының жасалу технологиясы» тақырыбындағы  үйірме жұмысы жас мамандарына ғана емес,  үлкен тәжірибесі бар  мұғалімдерге де қызықты болып өтті. Сабақ барысында оқушылар домбыраның жасалу тарихымен ғана танысып қоймай, күй,  аңыз тыңдап,  «Домбыра» сувенирін жасады.

         Әрбір оқушының жұмысы өзінше ерекше болып шықты.

         Семинарға қатысушылар бейнелеу өнері мен өзін –өзі танудан біріктіріп өткізген  Д.А. Оспановпен Ж.Алданыштың «Қазіргі замандағы қолданбалы-сәндік өнер» тақырыбындағы кіріктірілген сабағын ерекше атап өтті.

         Эстетикалық бағыттағы мұғалімдердің кіріктірілген семинары жоғары әдістемелік деңгейде өтіп, мұғалімдерге практикалық кезеңі маңызды болды.