2017 жылдың 8 ақпанында №58 жалпы білім беретін орта мектебінде математика және физика пәнінің жас  мамандарына арналған «Оқу үшін бағалау және оқуды бағалау» тақырыбында қалалық панорамалық сабақ өткізілді.

Панорамалық сабақтың мақсаты:қазіргі білім беру жүйесіндегі бағалауды анықтауға жас мамандарға әдістемелік көмек көрсету, мұғалімдерге бағалау үдерісінің ұтымды жолдарын көрсетіп, түсінуге ықпал ету.

№58 мектептің математика пәнінің мұғалімі Искакова Г.М. панорамалық сабақ барысында өз тәжірибесіндегі бағалаудың әдіс-тәсілдерімен бөлісті. Қатысушыларға қалыптастырушы бағалау және жиынтық бағалау түрлері туралы теориялық мәлімет беріп қана қоймай, тәжірибе жүзінде қалай қолдануға болатынын көрсетті.

Панорамалық сабаққа қатысушылар рефлексия қорытындысында өткізілген шаралардың жоғары деңгейде,  жүйелі түрде ұйымдастырылғанын және заман талабына сай қажеттілігін атап өтті.