2017 жылдың 21 желтоқсанында «ЖББОМ №8» КММ-де бастауыш сыныптарында  «Жаңартылған білім беру мазмұны аясында оқушылардың функционалдық сауаттылықтарын дамыту»тақырыбында қалалық семинар өтті.

Семинардың мақсаты: бастауыш сынып оқушыларының функционалдық сауаттылығын қалыптастыру үшін оқытудағы жаңа тәсілдерді қолдану арқылы педогогикалық үрдісті ұйымдастыру бойынша тәжірибе алмасу мен материалдарды жалпылау үшін жағдайлар жасау.

Семинарға «Өрлеу» БАҰО  АҚФ» Қарағанды облысы бойынша ПҚБАИ мектепке дейінгі тәрбие және бастауыш білім беру кафедрасының аға оқытушылары Ү. А. Майбасова және А. К. Шадетова қатысты.  

Қалалық семинарды мектеп директоры Ы. К. Мустафин ашты.  

Семинардың теориялық бөлімінде қалалық білім бөлімінің бастауыш сыныптар бойынша әдіскері Г. Х. Оспанова «Жаңартылған білім мазмұныны шеңберіндегі бағалау жүйесі» тақырыбында баяндама жасады. Ол бағалаудың қалыптастырушы және жиынтық түрлері бойынша мәселені сипаттап берді.

Семинардың тәжірибелік бөлімінде 1-сынып пен 4-сынып мұғалімдері өздерінің ашық сабақтарын көрсетті.

Семинарда көрсетілген ашық сабақтар мазмұнды өтті.