Қала мектептерінің әкімшіліктері және ата-аналар қауымдастығының өкілдері 2017 жылдың 21 қаңтарында №93 гимназиясында Қарағанды облысы білім басқармасының басшысы А.Қ.Аймағамбетовтың төрағалығымен онлайн режимде өткізілген облыстық ата-аналар жиналысына қатысты.
Облыстық жиналыста Интернет желісін пайдалану кезінде балалардың қауіпсіздігін қамтамасыз ету, оларды қажет емес ақпараттан және әртүрлі дәстүрлі емес діни ағымдардан қорғау шаралары,сонымен бірге балалардың жол қауіпсіздігі тақырыбы қарастырылып, Edumark қосымшасымен, электронды күнделікпен қалай жұмыс істеу керек және «Айқын» тестісі не үшін өткізілетіні туралы айтылды.
Сонымен қатар, ата-аналарға білім берудің жаңартылған мазмұнына байланысты жалпы орта білім беру жүйесіндегі өзгерістер және биылғы жылы ҰБТ өткізілуі ережелері туралы ақпарат берілді.
Ата-аналары ерекше қызықтырған маңызды сұрақтардың ішінде балаларға берілетін үй тапсырмалардың көлеміне және білім ұйымдарындағы Қамқоршылық кеңестердің, ата-аналар комитетінің жұмыстарына қатысты мәселелер болды.
Жиналыс соңында ата-аналардың пікірлерін және ұсыныстарын жинақтау бойынша жұмыс ұйымдастырылды.
Жалпы онлайн жиналысқа Қарағанды қаласы мектеп оқушыларының 8 мыңнан астам ата-аналары қатысты.
Авторство:
